Падлеская сельская бібліятэка разам з Падлескай Святадухаўскай царквой правялі цыкл мерапрыемстваў, прысвечаных Дню духоўнай кнігі

Мерапрыемствы пачаліся з лекцыі айца Канстанціна ў Падлескай сярэдняй школе. Дзецям былі прапанаваны кнігі Бібліі і Евангелле. Даступна і красамоўна айцец Канстанцін расказваў прысутным пра важнасць гэтых кніг у жыцці кожнага чалавека, распавядаў адкуль яны пайшлі, што і чаму там напісана. Наглядна паказваў старонкі на стараславянскай мове. Дзяцей зацікавілі і прытчы, якія былі расказаны. Айцец Канстанцін запрасіў наведваць царкву і сказаў, што там маецца свая невялічкая бібліятэка і кожны можа ўзяць там кнігу, ці брашуру.

Наступным этапам правядзення мерапрыемства была сельская бібліятэка. Тут ужо дзецям і некаторым дарослым расказвалася пра духоўную літаратуру, якая маецца ў бібліятэцы. Шмат кніг для дзяцей з серыі “Дзецям”: “Детям о молитве”, “Детям о слове”, “ Детям о Пасхе” і г.д. Ёсць кнігі “Біблія для дзяцей”, “Молитвы для самых маленьких”, “Закон Божий для самых маленьких”. Было расказана аб кнігах, у якіх апісваецца жыццё святых. Прысутныя з задавальненнем паслухалі пра Матрону Маскоўскую, а таксама як дзеці раней вывучалі Біблію. Дзеці задавалі пытанні пра св. Серафіма Жыровіцкага, нашага земляка. Да Дня духоўнай кнігі была зроблена спецыяльная выстава. Дапоўніліся словы айца Канстанціна як паводзіць сябе ў пост і якія стравы ўжываць. Дарэчы пра гэта таксама ёсць у бібліятэцы кніга. Прысутным былі прапанаваны посныя стравы і нават цукеркі з халвы, якія можна ўжываць у пост.

Дзень духоўнай кнігі быў адзначаны дастойна. Школа, царква і бібліятэка павінны разам прывіваць дзецям любоў да кнігі, асабліва да кнігі духоўнай.

Ваш комментарий будет первым

Написать ответ

Этот сайт использует Akismet для борьбы со спамом. Узнайте, как обрабатываются ваши данные комментариев.